Իսրայելի ցամաքային զորքերը «այս գիշեր ընդլայնում են գործողությունները»,- հայտարարել է Իսրայելի պաշտպանության բանակի խոսնակ Դանիել Հագարը:

Հագարը նաեւ պնդում է, որ վերջին մի քանի ժամում Իսրայելն ուժեղացրել է իր ավիահարվածները Գազայի հատվածում։

Նրա խոսքով՝ Իսրայելը կշարունակի հարվածները Գազա քաղաքին և կրկին կոչ է անում տարհանել պաղեստինցիներին դեպի հարավ։

«Մենք գործում ենք Իսրայելի պետության անվտանգության շահերը պաշտպանելու համար»,- ասել է նա։

Իսրայելի պաշտպանության բանակը վերջին երկու օրվա ընթացքում տանկերով սահմանափակ հարձակումներ է իրականացնում Գազայի հատվածում։