Հայաստանի ազգային հավաքականի գլխավոր մարզիչ Ջոն վան՛տ Սխիպը նախախաղային մամուլի ասուլիսի ընթացքում ասաց, որ հավաքականում մթնոլորտը նորմալ է:
«Հավաքականում ընդհանուր մթնոլորտը նորմալ է: Իհարկե, հիասթափված ենք պարտությունից, բայց, ինչպես տղաներին եմ ասել, սա մի գործընթաց է, որի ընթացքում մենք պետք է առավել լավացնենք մեր խաղը»:
Նա անդրադարձել է նաև հավաքական չհրավիրված խաղացողներին, մասնավորապես՝ Նորբերտո Բրիասկո Բալեկյանին և Խորեն Բայրամյանին։
«Ես միշտ հետևում եմ խաղացողներին։ Փորձեցինք կապ հաստատել Նորբերտոյի հետ․ շատ բարդ էր նրա հետ կապի դուրս գալը, նախընտրեց չմիանալ։ Այնպես չէ, որ անպայման հրավիրվելու էր։ Ինչ վերաբերում է Բայրամյանին, գիտենք, որ փորձառու խաղացող է, նրան ևս հետևում ենք։ Գիտենք, թե նա ինչի է ունակ, բայց այս պահին նա իմ ծրագրերում չկա»,- ասել է մարզիչը։
Հայաստանի ֆուտբոլի ազգային թիմը հունիսի 9-ին մրցակցի դաշտում ընկերական խաղում կմրցի Չեռնոգորիայի հետ: Խաղը կմեկնարկի Երևանի ժամանակով 22:00-ին:
-thumbnail.jpg)