Այն փաստը, որ Իսրայելը Իրանին ուղղված հարվածները համակարգել է Միացյալ Նահանգների հետ՝ իրանական միջուկային ծրագրի շուրջ բանակցությունների ընթացքում, վկայում է Վաշինգտոնի անվստահելիության մասին։ Այս մասին հայտարարել է Իսլամական Հանրապետության նախագահ Մասուդ Փեզեշքիանը Պակիստանի վարչապետ Շահբազ Շարիֆի հետ զրույցում։
«Սիոնիստական ռեժիմի (նկատի ունի Իսրայելին - խմբ.) գործողությունների համակարգումը Իրանի տարածք ներխուժելու համար՝ բանակցությունների ընթացքում, Միացյալ Նահանգների անազնվության և անվստահելիության նշան է», - նրա խոսքերն է մեջբերում նախագահի մամուլի ծառայությունը։
Փեզեշքիանի խոսքով՝ Իսրայելը կստանա ավելի հզոր պատասխան, եթե շարունակի իր ագրեսիան Իրանի դեմ։