Իրանը պատրաստ է կնքել համաձայնագիր, որը կուղղվի նրա կողմից միջուկային զենքի ձեռքբերումը կանխելուն, սակայն չի ընդունի այնպիսի պայմաններ, որոնք կսահմանափակեն հանրապետության խաղաղ միջուկային էներգիա զարգացնելու օրինական իրավունքները, հայտարարել է Իրանի արտաքին գործերի նախարար Աբբաս Արաղչին։
«Մենք պատրաստ ենք ցանկացած համաձայնագրի, որը ենթադրում է Իրանի կողմից միջուկային զենքի ձեռքբերումը կանխելը։ Սակայն, եթե համաձայնագրի նպատակն է զրկել Իրանին իր օրինական իրավունքներից (խաղաղ միջուկային էներգիա զարգացնելու), ապա մենք պատրաստ չենք նման համաձայնագրի», - նշել է նախարարը։
Արաղչին հավելել է, որ Իրանի միջուկային ծրագրի շուրջ ստեղծված իրավիճակը կարգավորելու համար ԱՄՆ-ի հետ բանակցությունների վեցերորդ փուլում Թեհրանը «պատրաստվում էր ներկայացնել իր սեփական առաջարկը»։
Նրա խոսքով՝ դա կարող է «բացել համաձայնագրի հասնելու ճանապարհը»։
Ապրիլից ի վեր Իրանը և ԱՄՆ-ն Օմանի միջնորդությամբ անուղղակի բանակցություններ են վարում իրանական միջուկային ծրագրի շուրջ ստեղծված իրավիճակը կարգավորելու համար։ Նոր համաձայնագրի հասնելու մի քանի փորձերից հետո բանակցությունները վտանգի տակ էին ուրանի հարստացման շուրջ առկա անհամաձայնությունների պատճառով։ Երկու երկրների պատվիրակությունների միջև բանակցությունների վեցերորդ փուլը նախատեսված էր հունիսի 15-ին Օմանում, սակայն Իսրայելի կողմից Իրանի վրա հարձակումից հետո խորհրդակցությունները չեղարկվեցին։
-thumbnail.jpg)
