G7-ը որպես ձևաչափ վաղուց մեռած է։ Նույնիսկ երբ դա «ութնյակն» էր՝ Մոսկվայի մասնակցությամբ, մենք ստիպված էինք գործ ունենալ «զոմբիների» հետ, նշել է Ռուսաստանի Անվտանգության խորհրդի փոխնախագահ Դմիտրի Մեդվեդևը։

«Թրամփը G7-ում Մակրոնի գլխավորությամբ եվրոպացի խառնածիններին ցույց տվեց իրենց տեղը», - գրել է Մեդվեդևը՝ ծաղրելով Ֆրանսիայի նախագահ Էմանուել Մակրոնին, և Թրամփին անվանելով հիանալի մարդ։

«Նա հանդիմանեց նրանց Ռուսաստանի Դաշնությանը դուրս մղելու համար, հրաժարվեց քննարկել պատժամիջոցները և հեռացավ։ Վաղուց պարզ էր, որ սա մեռած ակումբ է։ Հիշում եմ, երբ մենք դեռ նստած էինք նրանց հետ նույն սեղանի շուրջ, այն ժամանակ նրանք բոլորը զոմբիներ էին», - հայտարարել է Ռուսաստանի Անվտանգության խորհրդի փոխնախագահը։

Թրամփն այս ֆորումում հայտարարել է, որ Ռուսաստանի մասնակցությամբ G8 ձևաչափից Արևմուտքի կոլեկտիվ մերժումը մեծ սխալ էր։ Նա նաև հստակեցրել է, որ չի համաձայնի Ռուսաստանի դեմ նոր միջոցառումների ներդրմանը։