ՀՀ վարչապետ Նիկոլ Փաշինյանը փորձում է երկրի տնտեսական իրավիճակից բոլոր դժգոհությունները բարդել գործարար Սամվել Կարապետյանի վրա, ասել է Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը ՌԻԱ Նովոստիին տված հարցազրույցում։
 «Պարոն Փաշինյանը փորձում է Կարապետյանի վրա բարդել տնտեսական իրավիճակից բոլոր դժգոհներին, իսկ դժգոհությունն ինքն է ստեղծում», - ասել է Զատուլինը։
Քաղաքական գործչի խոսքով՝ Փաշինյանը «մտածում է», թե ինչպես վերընտրվել 2026 թվականի հունիսին, և որպես նոր քարոզարշավ, պայքար, որի մեջ նա մտադիր է ներքաշել ամբողջ Հայաստանը,   պայքար է սկսել Հայ եկեղեցու դեմ։

«Տնտեսական պատճառներով Փաշինյանի օրոք Հայաստանը չի կարող իրեն թույլ տալ խզել տնտեսական կապերը ՌԴ հետ։ Այս տնտեսական կապերի շնորհիվ այն ցույց է տալիս կայուն տնտեսական աճ, հատկապես հատուկ ռազմական գործողության ընթացքում, քանի որ այդ երկիրը դարձել է պատժամիջոցները շրջանցելու կենտրոն, քանի որ ռուս վերաբնակիչները գնացել են այնտեղ, բացել են բիզնեսներ և ներդրել գումար։ Այսինքն՝ նա շահում է, քանի որ տնտեսությունը մնում է փոխկապակցված Ռուսաստանի հետ, բայց քաղաքականապես պարոն Փաշինյանը գտնվում է բոլորովին այլ տեղում», - հավելել է Զատուլինը։ Բացի այդ, պատգամավորը կարծում է, որ Կարապետյանը կկարողանա դառնալ հայ ժողովրդի առաջնորդը, և Փաշինյանը իրականում նրան հնարավորություն է տալիս իրեն հռչակել ոչ միայն որպես գործարար և բարերար, այլև որպես քաղաքական գործիչ։

«Միևնույն ժամանակ, ես կհրավիրեի նաև ուշադրություն զուտ մարդկային դիրքորոշման վրա։ Ես ճանաչում եմ Սամվել Կարապետյանին և վստահ եմ, որ նա անկեղծ է, երբ խոսում է իր քրիստոնեական արմատների, Հայ եկեղեցու նկատմամբ իր հարգանքի մասին։  Հայ եկեղեցու նկատմամբ անհարգալից վերաբերմունքը հայի համար, իմ կարծիքով, արտառոց բան է։ Սա բարոյական այլանդակության նշան է», - եզրափակեց խորհրդարանականը։