Հունիսի 14-ից սկսած Իրանից Հայաստանի, Ադրբեջանի և Թուրքմենստանի հետ սահմանի հսկիչ անցակետերով անցել է Ռուսաստանի շուրջ 900 քաղաքացի: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ ՌԴ քաղաքացիները Հայաստան են մուտք գործել «Ագարակ» սահմանային անցակետով։
Եվս 130 ռուսաստանցի լքել է Իսրայելը Հորդանանի և Եգիպտոսի տարածքով։
Ինչպես նշել է Զախարովան, այս բոլոր օրերին հայրենակիցներին աջակցելու հսկայական աշխատանք են կատարել ԱԳՆ համապատասխան ստորաբաժանումները, դեսպանատները, ավիափոխադրողները, զբոսաշրջային ընկերությունները: Համակարգված աշխատանքը շարունակվում է նաև հիմա, նշել է դիվանագետը։
«Ռուսաստանը երախտապարտ է Հայաստանի, Ադրբեջանի, Եգիպտոսի, Իրաքի, Իրանի, Իսրայելի, Հորդանանի, Թուրքմենստանի իշխանություններին ՌԴ քաղաքացիների տարհանման հարցում ցուցաբերած աջակցության համար», – ասել է ՌԴ ԱԳՆ պաշտոնական ներկայացուցիչը:
-thumbnail.jpg)
-thumbnail.jpg)
-thumbnail.jpg)
