Հետևեք մեզ։

Արզական-Բջնի ավտոճանապարհին բախվել են երկու «Opel» մակնիշի ավտոմեքենա․ վեց ուղևոր հոսպիտալացվել են

16:37, 30 հունիս 2025
Արզական-Բջնի ավտոճանապարհին բախվել են երկու «Opel» մակնիշի ավտոմեքենա․ վեց ուղևոր հոսպիտալացվել են

Հունիսի 30-ին, ժամը 13:48-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արզական-Բջնի ավտոճանապարհին տեղի է ունեցել ՃՏՊ, կան տուժածներ:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Արզական-Բջնի ավտոճանապարհի 2-րդ կմ-ի մոտակայքում բախվել են երկու «Opel» մակնիշի ավտոմեքենա:

Մինչ փրկարարների կանչի վայր հասնելը՝ վարորդները և վեց ուղևոր հոսպիտալացվել են բժշկական կենտրոն:

Փրկարարները հոսանքազրկել են ավտոմեքենաները և փակել գազի բալոնների  փականները: