Հայաստանի, Ադրբեջանի և Ռուսաստանի փոխվարչապետների եռակողմ ձևաչափը տարածաշրջանի ապաշրջափակման հարցում չի գործում մի քանի պատճառով։ Այսօր հրավիրված ասուլիսի ժամանակ այս հայտարարությունն արեց ՀՀ վարչապետ Նիկոլ Փաշինյանը` ընդգծելով, որ այս ձևաչափը վաղուց չի կիրարկվում։
«ՀՀ–ի, ՌԴ–ի և Ադրբեջանի փոխվարչապետների եռակողմ ֆորմատը վաղուց չի գործում, այդ թվում՝ առկա տեքստի մեկնաբանության շուրջ որոշակի տարընթերցումների, նաև պրակտիկ որոշակի խնդիրների պատճառով։ Ուղիղ ասենք՝ որոշակի անվստահության պատճառով»,– ասաց Փաշինյանը։