Իրանն աջակցում է Հայաստանի ու Ադրբեջանի միջև հակասությունների կարգավորմանը և խաղաղության համաձայնագրի ստորագրման գործընթացի արագացմանը: Այդ մասին հայտարարել է Իրանի արտգործնախարարության խոսնակ Էսմայիլ Բաղաեին:

«Մենք կողմ ենք այս գործընթացին, բայց նաև հստակ նշել ենք՝ այդ զարգացումները չպետք է հանգեցնեն տարածաշրջանի աշխարհաքաղաքական կառուցվածքի փոփոխությանը։ Այս հարցի շուրջ ընդհանուր պատկերացում գոյություն ունի»,- ասել է դիվանագետը։

Նա նշել է, որ մեկ այլ կարևոր հանգամանք է արտատարածաշրջանային դերակատարների ներգրավման հարցը, ինչը Թեհրանը նպաստավոր չի համարում տարածաշրջանի զարգացման և անվտանգության համար։