Նուբարաշենի աղբավայրում երեկ գիշերից բռնկված հրդեհի առնչությամբ տեղեկացնում եմ, որ ամբողջ գիշերվա ընթացքում իրականացվել են հրդեհաշիջման աշխատանքներ։ Այս պահին իրականացվում են հովացման աշխատանքներ, սահմանվել է հերթապահություն։ Հայտնում է քաղաքապետի խոսնակը։

Աղբավայրում մոբիլիզացված են Երևանի քաղաքապետարանի ենթակա կառույցների ջրատար մեքենաները, իսկ քաղաքապետարանի կոմունալ վարչության և վարչական շրջանների կոմունալ բաժինների կողմից նշված հատվածներում կատարվում են հողային աշխատանքներ։

Աշխատանքները համակարգում է Երևանի քաղաքապետի խորհրդական Կամո Արեյանը։