Երկար, իմաստալից զրույց ունեցա Թրամփի հետ։ Նա ինձ համառոտ ներկայացրեց Պուտինի հետ իր հանդիպման, զրույցի հիմնական կետերի մասին։ Այս մասին գրել է Ուկրաինայի նախագահ Վոլոդիմիր Զելենսկին։
«Մենք աջակցում ենք նախագահ Թրամփի՝ Ուկրաինա-Ամերիկա-Ռուսաստան եռակողմ հանդիպման առաջարկին։ Կարևոր է, որ եվրոպացիները ներգրավված լինեն բոլոր փուլերում՝ Ամերիկայի հետ համատեղ հուսալի անվտանգության երաշխիքների համար»,-գրել է Զելենսկին։
Զելենսկին նշել է, որ երկուշաբթի օրը Վաշինգտոնում նրա հետ քննարկելու է պատերազմի դադարեցման բոլոր մանրամասները։