Մենք օտարերկրյա ուժերի ներկայությունը օգտակար չենք համարում և մտահոգություններ ենք հայտնել. մեզ տեղեկացրել են, որ տարածաշրջանում ռազմական ուժեր չեն տեղակայվի․ այս մասին ասել է Իրանի ԱԳՆ խոսնակը՝ անդրադառնալով Վաշինգտոնում կնքված փաստաթղթին։

Նա նշել  է, որ տրանսպորտային և հաղորդակցական ուղիների ապաշրջափակումը և ստեղծումը, այդ թվում՝ Հայաստանի հարավով անցնող երկաթուղային գիծը, որը կապելու է Ադրբեջանը Նախիջևանի ինքնավար հանրապետության հետ, չպետք է վնասի միջազգային մակարդակով ճանաչված սահմաններին, հակասի Հայաստանի ինքնիշխանությանը կամ հանգեցնի տարածաշրջանի աշխարհաքաղաքականության փոփոխությանը։