Ուկրաինայի նախագահ Վլադիմիր Զելենսկին հրապարակում է արել «Х» սոցիալական ցանցում` շնորհակալություն հայտնելով Հայաստանի նախագահ Վահագն Խաչատուրյանին, որը Ուկրաինայի Անկախության օրվա առթիվ շնորհավորել էր Զելենսկուն։

«Շնորհակալ եմ Հայաստանի նախագահ Խաչատուրյանին՝ Ուկրաինայի Անկախության օրվա կապակցությամբ հղած շնորհավորանքի և ուկրաինացի ժողովրդի հասցեին արտահայտած բարեմաղթանքների համար։

Ուկրաինան գնահատում է Հայաստանի դիրքորոշումը մեր երկրի տարածքային ամբողջականության հարցում, ինչպես նաև մեր երկրին տրամադրվող հումանիտար օգնությունը», – գրել է Զելենսկին