Վլադիմիր Պուտինը Վլադիվոստոկում անցկացված Արևելյան տնտեսական ֆորումում հանդես եկավ հայտարարություններով Ուկրաինայի վերաբերյալ։ Նրա խոսքով՝ Ռուսաստանի համար Ուկրաինայի տարածքում գտնվող ցանկացած զորք օրինական թիրախ է։

Անդրադառնալով իր և Ուկրաինայի նախագահ Զելենսկու հնարավոր հանդիպմանը ՝ նա նշեց, որ  Մոսկվան լավագույն տեղն է Ռուսաստանի և Ուկրաինայի ղեկավարների հանդիպման համար, իսկ Կիևի պահանջները այլ վայր ընտրելու մասին՝ չափազանցված։

Պուտինը ընդգծեց, որ դեռ վերջերս Կիևը բացառում էր շփումները Մոսկվայի հետ, իսկ այժմ ինքն է դրանց մասին խնդրում։ Նա հավելեց նաև, որ անվտանգության երաշխիքները պետք է լինեն երկուստեք՝ և՛ Ռուսաստանի, և՛ Ուկրաինայի համար, սակայն լուրջ քննարկումներ այս ուղղությամբ դեռ չեն տարվել։