Իրավապաշտպան Ժաննա Ալեքսանյանը գրում է.

«Դեպի ապօրինություն, անբարոյականություն, անամոթություն նետվելու ինչպիսի պատրաստակամություն։ Ամենայն Հայոց Կաթողիկոսի դեմ հարուցված քրեական գործը գլխավոր դատախազության գլուխգործոցն է։ Հուսանք` այս քրեական գործը կամրացնի գլխավոր դատախազուհու վաժնի կեցվածքը»:

Հիշեցնենք, որ Ավստրիայում կայանալիք եպիսկոպոսաց ժողովից երկու օր առաջ դատախազությունը քրեական հետապնդում է հարուցել Ամենայն Հայոց Կաթողիկոսի նկատմամբ՝ կարգալույծ եղած Մասյացոտնի թեմի առաջնորդի հետ կապված դատական ակտի կատարմանը խոչընդոտելու մեղադրանքով, հայտնում է փաստաբան Արա Զոհրաբյանը:

«Արգելվել է Վեհափառ Հայրապետի ելքը Հայաստանից, ինչով փորձ է արվում ձախողել Ավստրիայում կայանալիք Եպիսկոպոսաց ժողովը», - նշել է Զոհրաբյանը:

: