Իտալիայի առաջնության 26-րդ տուրում փոխչեմպիոն «Ինտերը» հյուրընկալվեց «Լեչեին»։ Ռումինացի Կրիստիան Կիվուի գլխավորած թիմը հաղթեց 2:0 հաշվով (տեսանյութ)։
75-րդ րոպեին հանդիպման հաշիվը բացեց Հայաստանի հավաքականի նախկին ավագ, 37-ամյա կիսապաշտպան Հենրիխ Մխիթարյանը, որը 60-րդ րոպեին էր դուրս եկել փոխարինման։ 82-րդ րոպեին աչքի ընկավ շվեյցարացի պաշտպան Մանուել Ականջին։
«Ինտերը» 64 միավորով գլխավորում է մրցաշարային աղյուսակը, «Լեչեն» 17-րդն է՝ 24 միավոր։