Երկու օր առաջ ես թույլ չտվեցի իմ «կլասը» գցել, իմ բարձունքից իջնել: Ինքը հիմնականում վիրավորում է, որովհետև ասելու բան չունի, ծրագիր չունի: Այս մասին քարոզարշավի ժամանակ ասել է «Բարգավաճ Հայաստան» կուսակցության առաջնորդ Գագիկ Ծառուկյանը՝ անդրադառնալով լրագրողի այն հարցին, թե ինչպես կարձագանքի Ծառուկյանը՝ Փաշինյանի՝ ընդդիմադիրների, այդ թվում՝ իր հասցեին հնչեցրած սպառնալիքներին և վիրավորանքներին:

«Ութ տարի ժողովրդին խաբել է, այն առաջին օրվանից մեզ էլ, ինձ էլ է խաբել: Եթե նա ծրագիր ունենար, ժողովրդին կներկայացներ իր ծրագիրը շատ հանգիստ: Լինում է՝ տարբեր տեղերում ՔՊ-ական էլ է մոտենում: Ես ասել եմ՝ եթե քննադատի տեղին, ես կընդունեմ, դա ամոթ չէ, ոչ թե կգոռգոռամ կամ կնյարդայնանամ: Շատ ճիշտ, տեղը տեղին ասել եմ, ասել եմ՝ ՔՊ-ական ջան, քույրիկ ջան, ճիշտ բացատրել եմ և նրանք շատ գոհ, շնորհակալ լինելով, ներողություն խնդրելով գնացել են։ 

Մեզ ուզում է ներքաշել՝ ուղղությունը փոխելու համար, որովհետև նա ասելու բան չունի, դա շնորհքն է, մոտեցումն է մեր ղեկավարի: Մեր դաշնակիցների, մեր թշնամիների հետ այդ ձև է բանակցել, որ այսօր այս օրին ենք: Զոհեր տվել ենք, տարածքներ կորցրել ենք և այսօր կորցնելով գնում ենք: Երեկ էլ հայտարարեց, որ երեք շրջան դեռ պետք է հանձնի և այդպես գնալու է, դա խաղաղություն չէ»,-նշել է Գագիկ Ծառուկյանը: