ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը կարծում է, որ ԱՄՆ պետքարտուղարի այցը նաև ՀՀ-ում սպասվող խորհրդարանական ընտրություններին միջամտելու ևս մեկ փորձ է։

«Մենք այս վերջին 2 ամիսն ականատես ենք նման կարգի փորձերին։ Բայց չենք զարմանում, ԱՄՆ փոխնախագահը գնացել էր Հունգարիա, Վիկտոր Օրբանի վերջին հանրահավաքին հանդես եկավ և կոչ արեց քվեարկելու Օրբանի համար։ Ամեն ինչ խախտվել է։ Այն, ինչ մի 15-20 տարի առաջ համարվում էր վատ բան, հիմա մեկ այլ բնութագիր ունի»,- ասաց Քոչարյանը։