Ըստ Ռուսաստանի Ռոսսելխոզնադզորի հայտարարության՝ Հայաստանից պահանջվել է հունիսի 2-ից դադարեցնել Ռուսաստան արտահանվող կենդանի ձկան և ձկնամթերքի սերտիֆիկացումը՝ գրեթե բոլոր ընկերությունների համար։ Բացառություն են կազմել միայն երկու հայկական արտադրողներ, որոնք անցել են ստուգումները։ Հայտնում է ՏԱՍՍ-ը։

Նշվում է, որ ռուսական կողմը մայիսի 21–27-ը ստուգել է հայկական ձկնաբուծարաններն ու վերամշակող ընկերությունները։ Ըստ հրապարակումների՝ մի շարք ընկերություններ կամ չեն անցել ստուգումները, կամ հրաժարվել են դրանցից։

Երկու թույլատրված ընկերությունների արտադրանքը դեռ կարող է մտնել Ռուսաստան, բայց միայն լրացուցիչ լաբորատոր վերահսկողությամբ։