«GALLUP International Association»-ի Հայաստանում լիիրավ անդամ «Էմ Փի ՋԻ» ՍՊԸ-ի անցկացրած վերջին հեռախոսային հարցման արդյունքներով՝ քաղաքացիների զգալի մասը պատրաստակամություն է հայտնել մասնակցել փողոցային պայքարի, եթե խորհրդարանական ընտրությունները, իրենց գնահատմամբ, անցկացվեն անարդար։

Հունիսի 2-3-ը անցկացված հարցմանը մասնակցել է 1104 քաղաքացի։ Հարցվածներին տրվել է հետևյալ հարցը․ «Եթե խորհրդարանական ընտրություններն անցկացվեն անարդար, պատրա՞ստ եք արդյոք դուրս գալ փողոցային պայքարի՝ արդարություն հաստատելու համար»։

Արդյունքների համաձայն՝

• 39.8%-ը պատասխանել է՝ «միանշանակ պատրաստ եմ»,
• 10.4%-ը՝ «ավելի շուտ այո»,
• 9.7%-ը՝ «ավելի շուտ ոչ»,
• 35.7%-ը՝ «միանշանակ ոչ»,
• 5.3%-ը դժվարացել է պատասխանել։

Այսպիսով, հարցվածների ընդհանուր 50.2 տոկոսը տարբեր աստիճաններով պատրաստակամություն է հայտնել մասնակցել փողոցային պայքարի, մինչդեռ 45.4 տոկոսը նշել է, որ նման քայլի չի գնա։ Իսկ 5.3 տոկոսը հստակ դիրքորոշում չի հայտնել։